Grillaðar blómkáls “steikur” með bleikri sósu

• 1 blómkálshaus

• 3-4 msk ólífuolía

• 1 hvítlauksrif pressað

• 1/2 tsk grænmetisparadís frá kryddhúsinu

• Hvítlauks salt frá kryddhúsinu

• Pipar

  Skerið blómkálið í sneiðar eða „steikur“.
  Setjið á bökunarpappírs klædda bökunnarplötu
  Hellið ólífuolíu í litla skál, ressið hvitlauksrifið ofaní, hrærið og berið á blómkálið, kryddið.

  Bakaðu blómkáls “steikurnar” í 200 gráðu heitum ofni í um 10-15 mínútur.
  Snúðu svo við blómkálinu og bakaðu í 10-15 mínútur til viðbótar eða þar til blómkálið er orðið gullinbrúnt.
  Græjaðu bleiku tahini sósuna og græna Spicy basil dressinguna á meðan.
  Setjið smá grænt salat á disk og því næst bakaða blómkálið toppið með bleiku og grænu sósunum, smá sprettum og granateplafræjum

  Bleik tahini sósa:

• 2 miðlungs rauðrófur (ferskar og afhýddar)

• 1/2 bolli vatn

• 1/4 bolli Tahini (sesamsmjör)

• 2 msk ólífuolía

• Safi af 1/2 sítrónu

• 1 msk akasíuhunang

• 1 hvítlauksrif

• salt & pipar frá kryddhúsinu

  Allt sett í góðan blandara og blandað vel saman

  Spicy Basil dressing:

• 1 box fersk basil

• Smá fersk steinselja

• Smá ferskt kóríander

• Smá klettasalat

• 1 hvítlauks rif

• skvetta af sítrónu

• 1,5 msk næringarger

• 3-4 msk chili kasjúhnetur

• 1/4 – 1/2 bolli vatn

• 2 msk ólífuolía

• salt & pipar

  Allt sett í góðan blandara og blandað vel saman

Uppskrift eftir Jönu