Byrjið á að sjóða kínóa.
Svo að grilla grænmetið og því næst fræin.

Gerið dressinguna síðast og setjið svo salatið saman 💛. Virkar pínu flókið en er það ekki og þetta salat er guðdómlegt.

Kínóa

• 1 bolli kínóa

• 2 bollar vatn

• 1 msk Indverskt karrýduft frá Kryddhúsinu

• Smá salt

• Smá svartur pipar

• 1 msk kókosolía

Setjið allt saman í pott og hrærið vel saman, fáið suðuna upp, lækkið undir pottinum og látið malla þannig í nokkrar mínútur, slökkvið svo undir og lokið pottinum og bíðið í ca 20 mín eða þar til kínóað er tilbúið.

Grænmetið – Bakað í ca. 20-25 min í 200 gráðu heitum ofni:

• 500 gr sætar kartöflur, þvegnar og skornar í litla bita

• 4 gulrætur skornar í litla bita

• 2-3 msk steikingarolía

• Sítrónupipar

• Indverskt karrýduft frá Kryddhúsinu

• Salt, chiliflögur

Allt saman á bökunarplötu með bökunarpappír, blandað vel saman og dreift vel úr og því næst bakað og kælt.

Gull sólblómafræ

• 2/3 bolli sólblómafræ

• 2 tsk tamari eða sojasósa

• 1/2 tsk túrmerikduft

• 1 tsk akasíuhunang

Hrærið vel saman og hitið í ofni í ca 5 mín eða þar til sólblómafræin eru orðin gullin (gott að setja í ofninn meðan sætu kartöflurnar og gulræturnar eru að bakast, fylgist bara með að fræinn brenni ekki).

Auka sem er í salatinu

• 10 steinlausar döðlur, skornar í litla bita

• 1-2 apríkósur eða nektarínur, skornar í litla bita

• 1/2 box af kóríander saxað gróft

• 3 msk graskersfræ

• 1/2 bolli gullsólblómafræ

Gull Dressing:

• 2/3 bolli góð ólífuolía

• Safi úr 1/2 sítrónu

• 1 msk Akasíuhunang

• 1 tsk túrmerik duft

• 1/2 tsk svartur pipar

• 1/4 tsk salt

• Smá chiliflögur

Setjið í krukku og hristið saman eða setjið í skál og hrærið vel saman.

💛 Gull kínóa salat

Blandið öllu saman í stóra skál, gull kínóa, bökuðu sætu kartöflunum og gulrótunum, döðlum, nektarínum, kóríander og fræjum. Toppið svo með gulldressingunni og jafnvel smá sítrónuberki og sjávarsalti.

Uppskrift eftir Jönu